Tama Waipara: TE KATOA

To view this page in English, click on the drop down box below the event title.

Whai wāhi mai ki te hirikapo kaipuoro o tētahi o ngā tino o Aotearoa i tēnei whakangahau whakanui waiata hou.

E poho kūkupa nei mātou i tēnei rongohanga wawe o TE KATOA, koia ko te kōpae waiata hou a Tama Waipara – te ringatito, te kaiwaiata, te ringatoi anō. Kua roa hoki tēnei e tāria ana hei mea whai i tana kōpae o mua i mihia nuitia, i Fill Up the Silence (2013).

He mea tuku i te puoro taiea e whai pūtake rau ana, e whai tūāpapa ā-kaupapa ana, e whakanikohia ana ki te reo Māori, e whai māramatanga ana hoki i te kāinga, he hua tēnei o ngā mahi ngātahi ki te hoa tito, ki te kaiwhakaputa mauroa anō kei Te Āporo Nui e noho ana, ki a Aaron Nevezie. Ka rangona i TE KATOA he mahinga ngātahi ki a Maisey Rika rātou ko ngā ringatito, ko Taharakau Stewart, ko Teina Moetara, ko Tweedie Waititi, ko Petera Hakiwai. Rangona tahitia ana te whakarekareka, te whakaāio wairua, te manawataki me te hīanga, he whakaputanga wheako, he whakapuakanga kōrero tuku iho tēnei e tākirikiritia ai ngā tauwharenga ngākau; he waiata i hua i ngā whakatewhanga whakapapa me ngā tūhuratanga whakarerenga.

Supported by