Taipūrākau

To view this page in English, click on the drop down box below the event title.

Ka hono ngā ara pūrākau maha, ā-ataata, ā-puoro, ā-waha, ā-auahatanga toi i taua wā tonu, ki ngā kōrero o nehe mō te whakatere waka me te haere moana, e puta ai a Taipūrākau, he paki kirikiri e whakaputa nei i ngā mahi mātātoa a ō tātou tūpuna ki te ao mārama.

E whia rau tau nei ki muri, ka haere mai ngā kaihōpara ki tēnei whenua mā Te Moana-nui-a-Kiwa, mā te ara moana mō ngā waka i toro rā ki ngā motu maha puta noa i ngā moana, e whakawhiti ana i te mātauranga, i ngā kōrero o nehe me ngā hononga whakapapa. I pae mai aua waka ki ngā takutai o Aotearoa i Tāmaki Makaurau i ngā tau tini.

Ka ruku ngā ringa o te ringatoi whakaari, o Marcus Winter ki te kirikiri ki te whakaatu i te pūrākau nei mā roto i te auahatanga me te whakamīharotanga, e whakakitea ai ngā whakaahua i mua tonu i te aroaro. Kia rite koe kia whakaaweawengia e te tere o te huringa o te kirikiri hei whakaahua i ngā atua, ka puta ai ko te waka hourua, ko te moana me ngā maunga, me ngā mea maha noa atu anō, i tēnei whakaaturanga me mātakitaki ka tika e ngā minenga nō ngā pakeketanga katoa.

Tai – ocean, sea; pūrākau – stories; taipū – sand dunes
— he rawekehanga kupu hei waihanga i tētehi wheako e kore e wareware

E pai ana mā ngā pakeketanga katoa

He kaupapa reorua tēnei

Supported by

Commissioned by Auckland Arts Festival