He Kete Waiata
Ka whai wāhi mai a Whirimako Black rātou ko Allana Goldsmith, ko Leon Wharekura, ko Dixon Nacey
To view this page in English, click on the drop down box below the event title.
Ka taiea, ka kōmanawa anō te whakakapinga o Te Ahurei, i tētahi o ngā kaiwaiata kino kē hoki o te whenua nei ka tū ki Tāmaki Makaurau, me ōna hoa waiata, ringapuoro rangatira anō mō tētahi pō kotahi noa.
Whai muri iho i tana tū ki te tūranga kaiwaiata matua i te hui Ahurei Tautito o Pōneke i te tau 2021, he tū i pau katoa ai ngā tīkiti, ka rangona “te wairua, te ngākau whiwhita me te māia” (Scoop) o te toa-taumata-rau, o Whirimako Black (MNZM) (Ngāi Tūhoe), otirā, te hihiri o tana tū waiata me te rōreka o tōna reo. Ka waiatahia e ia ko āna ake titonga, ā, ko ētahi tino waiata tautito anō, i te reo Māori me te reo Pākehā. Hei hoa mō tēnei toki ki te atamira ko ngā whetū waiata reorua, ko Allana Goldsmith (Ngāti Porou, Ngāi Tai) rāua ko Leon Wharekura (Ngaati Mahuta, Ngaati Whaawhaakia, Waikato), otirā, ko te ringatohu puoro inati, ko Dixon Nacey (Mangaia, Rarotonga). He haukai mā te taringa ngā tangi kōmanawa, tautito, ā, me te maha atu anō, otirā, he huarau, he ororau, me te aha, me kai ō taringa ka tika.
Supported by
Ngā mōhiohio whai wāhi
Ngā ringamahi
|
|
|
|
|
|
|
Tohaina tēnei kaupapa
He kaupapa anō ka pai pea ki a koe
