Through the Eye of Tāmaki Makaurau
To view this page in English, click on the drop down box below the event title.
Ka tairangatia e te kaipūtaiao, e te kaiwhakangungu, e te ringatoi anō he whakaahua whakahihiko i te mahara, otirā, he huatau nō te rangatahi, i tēnei mahinga ngātahi ka aro ki ngā panonitanga āhuarangi mā te arotahi o te kāmera taiohi.
Mā te whakahoahoa i te mātauranga me te mahi, e whakahekea ai ngā tukuwaro ā-ao kia tukuwaro-kore ai hei te tau 2050 – e pohewatia anō ai he āpōpō taurikura mō tō tātou ao me ā tātou tamariki.
Kua pōhiritia e Te Ahurei Toi me Track Zero – Arts Inspiring Climate Action ētahi taitamariki huri noa i Tāmaki Makaurau, kia tuari i ō rātou whakaaro ki ngā panonitanga āhuarangi mā roto mai i tētahi whakaaturanga whakaahua ā-rōpū.
Kua takohatia he kāmera matihiko ki te hunga whai wāhi, hei whakaohooho i te whakaaro auaha. Kua wātea rātou ki te wānanga i ngā take taiao ki te kaipūtaiao āhuarangi taiea, ki a Ahorangi Tim Naish; ki te ruku ki te mātauranga Māori me te kaiwhakangungu/ringatoi, me Tākuta Natalie Robertson; ā, kua whai wāhi hoki ki ngā pou whakaruruhau, ki ngā kaikapo whakaahua ngaio anō, ki a Raymond Sagapolutele rāua ko Cherrilee Fuller. Ka whakaatuhia ā rātou mahinga toi nō tātou ka ākina kia whāia ai he āpōpō manawaroa e tukuwaro-kore ana, hei whakaoti ake i tēnei kaupapa.
