Pīpī Paopao

To view this page in English, click on the drop down box below the event title.

Ka tangi te titi, ka tangi te kaka, ka tangi hoki ko enei pipi paopao! Tihei mauri ora!

He whakaari a Pīpī Paopao ma nga tamariki e 3-5 tau te pakeke me ō rātou whānau. Ka waiatahia ngā pūrākau o ō tātou manu rangatira, ka rangona hoki te korihi a te manu, mā roto mai i te waiata me te tākaro.

Ka whāia e te kaiwhakaari puoro, e te kaiwhakangahau kapareta whakamīharo anō, e Rutene Spooner, te tikanga Māori o te whakamahi i te whakataukī me te kupu whakarite mō te taiao hei kura whakaako i ā tātou anō pīpī paopao, kia rite pai ai rātou ki te topa ki te ao, otirā, ki tā rātou anō i pai ai.

He momo pea rātou ka hāro ki te puhikaioreore o te ngahere, he momo kē pea rānei ka noho puku ki te uru taumarumaru – ahakoa te momo, kei a koe tonu te nui o tō whai wāhi mai ki tēnei whakaari waiata. Ahakoa pea tō matatau pai ki te reo Maori, ahakoa pea to tauhou ki te ara ki te reo, nau mai ka tūhura ai i te ātaahua o te reo tuku iho e whai nei i ngā tangi o te taiao.

Ka tangi te tītī, ka tangi te kākā, ka kūkū te kererū – ko tēhea manu koe?

Hāngai pū ana ki ngā tamariki e 3-5 tau te pakeke

Supported by